MPT က “အတူလက်တွဲ အမြဲရှိမည်”ဟူသည့် ကတိကဝတ်နှင့်အညီ ၂၀၂၂-၂၃ ဘဏ္ဍာနှစ် အတွင်း အများပြည်သူတို့၏ ကျန်းမာရေးနှင့် လူမှုဘဝများ အဆင်ပြေစေရေးအတွက် အလေးပေး ပံ့ပိုးကူညီခဲ့

(ရန်ကုန်၊ ၂၀၂၃ ခုနှစ်၊ မတ်လ ၃၁ ရက်) – မြန်မာနိုင်ငံ၏ ဦးဆောင် ပြည်တွင်း ဆက်သွယ်ရေးအော်ပရေတာ ဖြစ်သည့် MPT သည် နိုင်ငံတစ်ဝန်းရှိ သုံးစွဲသူပြည်သူတို့အတွက် အကောင်းမွန်ဆုံးသော ဝန်ဆောင်မှုများကို ပေးအပ်ရုံသာမကဘဲ လူမှုအသိုက်အဝန်းအတွင်း အကူအညီ လိုအပ်နေသောနေရာများကို တတ်စွမ်းသမျှ ထောက်ပံ့ဆောင်ရွက်နိုင်ရန် ကြိုးပမ်းဆောင်ရွက်လျက်ရှိပါသည်။ တာဝန်သိလူမှုအကျိုးပြု လုပ်ငန်းများကို လွန်ခဲ့သည့် ၂၀၁၅ခုနှစ်မှ စတင်ကာ ပညာရေး၊ ကျန်းမာရေး၊ စွန့်ဦးတီထွင်နှင့်စီးပွားရေးလုပ်ငန်းငယ် စသည့် အဓိက မဏ္ဍိုင်ကြီး သုံးရပ်တွင် ဆောင်ရွက်နေကာ “အတူလက်တွဲ အမြဲရှိမည်”ဟူသည့် ကတိကဝတ်နှင့်အညီ မြန်မာပြည်သူများအတွက် လိုအပ်နေသောအထောက်အပံ့မှုများကို ဆောင်ရွက်ခြင်းနှင့် ကိုဗစ်-၁၉ ကာလ အပါအဝင် အခြားသော အကူအညီလိုအပ်နေသော နေရာများအတွက်...