အသုံးပြုသည့် B2B ၀န်ဆောင်မှုအမျိုးအစားအလိုက် လစဉ်ကြေးငွေ တောင်းခံလွှာအား လတစ်လ၏ (၁)ရက်နေ့တွင် ထုတ်ဆင့်၍ အသုံးပြုသူထံသို့ (၅)ရက်အတွင်း ပေးပို့ကောက်ခံမည် ဖြစ်ပါသည်။

ငွေတောင်းခံလွှာ (E-Invoice) ပေးပို့ရာတွင် ဤရုံးစာရင်းအရ မှတ်တမ်းရယူထားသော သုံးစွဲသူ၏ Email လိပ်စာသို့ တိုက်ရိုက်ပေးပို့မည်ဖြစ်ပြီး၊ သုံးစွဲသူအနေဖြင့် Invoice တွင်ဖော်ပြပါရှိသော သတ်မှတ်ရက်အတွင်း ငွေပေးဆောင်ရမည် ဖြစ်ပါသည်။

(မှတ်ချက်။ B2B SMEB Internet ၀န်ဆောင်မှုများအတွက် E-Invoice များအား သုံးစွဲသူ၏ Email သို့ ပေးပို့ခြင်းအပြင်၊ သုံးစွဲသူ၏ဖုန်းနံပါတ်သို့ SMS (စာတို) ဖြင့်လည်း E-Invoice အား ပေးပိုကောက်ခံ မည် ဖြစ်ပါသည်။)

Customer များ အနေဖြင့် လဆန်း(၅) ရက် ကျော်လွန်သည်အထိ (E- Invoice)များ လက်ခံမရရှိပါက Billing and AR Management Team ၏ Hotline Number (09-423000501) (သို့မဟုတ်) Email ([email protected]) သို့ ဆက်သွယ်၍ (E- Invoice) များ တောင်းခံနိုင်ပါသည်။

Customer များအနေဖြင့် E-Invoice လက်ခံသည့် အချက်အလက်များတွင် ဖြည့်သွင်းထားသော ဖုန်းနံပါတ် (သို့မဟုတ်) Email အား ပြောင်းလဲပြင်ဆင်လိုပါက Billing and AR Management Team ၏ Hotline Number (09-423000501) (သို့မဟုတ်) Email([email protected]) သို့ဆက်သွယ်၍ ဆောင်ရွက်ရမည် ဖြစ်ပါသည်။

လစဉ် ဘေလ်ပေးဆောင်ခြင်းအား KBZ / CB / AYA / YOMA ဘဏ်များ၏ Mobile Banking, Internet Banking များ မှတဆင့် ငွေပေးချေနိုင်ပါသည်။

လစဉ် ဘေလ်ပေးဆောင်ခြင်းအား ငွေသားဖြင့်ပေးဆောင်လိုပါက (KBZ / CB / AYA / YOMA) ဘဏ်ခွဲများ မှတဆင့် MPT Business (Special Cash Account) သို့လည်းကောင်း၊ နီးစပ်ရာ မြန်မာ့ဆက်သွယ်ရေးလုပ်ငန်း၊ တယ်လီဖုန်းအခွန်ဌာန (TRA) ရုံးများတွင် လည်းကောင်း ပေးချေ ဆောင်ရွက်နိုင်ပါသည်။

ငွေပေးချေရာတွင် တောင်းခံလွှာ၌ ပါရှိသော သုံးစွဲသူအမှတ်(Customer No)၊

ငွေတောင်းခံလွှာအမှတ် (Invoice Number)နှင့် ကျသင့်ငွေပမာဏ (Amount) တို့အား မှန်ကန်တိကျစွာ ဖြည့်စွက်ပေးရမည် ဖြစ်ပါသည်။

ငွေတောင်းခံလွှာတွင် ဖော်ပြပါရှိသည့် နောက်ဆုံးငွေ ပေးသွင်းရန်ရက် (Due Date) ကျော်လွန်ပါက ဝန်ဆောင်မှုကို ယာယီ ရပ်ဆိုင်းခံရနိုင်ပါသည်။

ပေးပို့ထားသည့် E-Invoice အား မစစ်ဆေးမိခြင်း၊ ငွေသွင်းရန် သတ်မှတ်ရက် ကျော်လွန်ခြင်း၊

ငွေသွင်းစဉ် အချက်အလက်ဖြည့်သွင်းမှု မှားယွင်းခြင်းကြောင့် ကြွေးကျန်ဖြစ်ပေါ်နိုင်ပါသည်

ကြွေးကျန်ရှိခြင်းကြောင့် ၀န်ဆောင်မှု ပြတ်တောက်နိုင်ခြင်းအား ကြိုတင်သိရှိနိုင်စေရန် သုံးစွဲသူ၏ Email သို့ အကြောင်းကြားစာ ပေးပို့ခြင်း (သို့မဟုတ်) ဖုန်းနံပါတ်သို့ SMS (စာတို) ပေးပို့ခြင်းအားဖြင့် အသိပေး အကြောင်းကြားမည် ဖြစ်ပါသည်

ဝန်ဆောင်မှု ပြန်လည်ရယူရန် ကြွေးကျန်ကို အမြန်ဆုံး ပြန်လည်ပေးဆောင်ပြီး Billing and AR Management Team ၏ Hotline နံပါတ် 09 423000501 (သို့မဟုတ်) Email:so-fixed-ar@ groups.mptmmf.com သို့ ကြွေးကျန်ပေးချေပြီးကြောင်း အထောက်အထားကို ဆက်သွယ်ပေးပို့ရန် လိုအပ်ပါသည်။

ကြွေးကျန်ပေးချေပြီးကြောင်း အတည်ပြုပြီးပါက (ရုံးဖွင့်ရက်- ၂၄ နာရီအတွင်း) ဝန်ဆောင်မှု ပြန်လည် ရရှိရန် ဆောင်ရွက်ပေးမည် ဖြစ်ပါသည်။

ဝန်ဆောင်မှု ပြန်လည်ရရှိပြီးနောက် လစဉ်ကြေး ပြန်လည်ကောက်ခံရာတွင် လိုင်းအသုံးပြု၍ မရရှိခဲ့သော ကာလများအတွက် ခုနှိမ်ပေးခြင်းမရှိဘဲ ကျသင့်ငွေကို အပြည့်ပေးချေရမည် ဖြစ်ပါသည်။

ဝန်ဆောင်မှု ပြတ်တောက်ခြင်းနှင့် နည်းပညာဆိုင်ရာ အခက်ခဲများ ဖြစ်ပေါ်ပါက MPT-Technical Support Center (TSC) ၏ Hotline (01- 2302274, 01- 2300444) ကို 24/7 ဖုန်းခေါ်ဆိုခြင်း သို့ Email: [email protected] မှတစ်ဆင့် ဆက်သွယ် အကြောင်းကြားနိုင်ပါသည်။

B2B Sales Department ၏ Hotline ဖြစ်သော 09426000323 နှင့် Email: [email protected] မှတစ်ဆင့် ဆက်သွယ်မေးမြန်း စုံစမ်းနိုင်ပါသည်။